Princesha Kate dhe Princi William kanë një lidhje që zgjat më shumë se dy dekada, por propozimi i fejesës ka ardhur pas një periudhe të gjatë pritjeje.
Ata u njohën në universitet dhe fillimisht ishin miq, për t’u bërë më pas çift. Pas viteve të shumta bashkë, Princi William i propozoi Kate në vitin 2010, më shumë se nëntë vjet pas takimit të tyre të parë.
Në një intervistë për “The Sun Royal Exclusive”, fotografi i njohur mbretëror, Arthur Edwards, ka zbuluar arsyen e vonesës së propozimit. Ai tha se një herë kishte pyetur William-in pse kishte pritur kaq gjatë për të kërkuar dorën e Kate.
Princi i Uellsit i kishte shpjeguar se kishte nevojë të përfundonte disa angazhime të rëndësishme, përfshirë shërbimin ushtarak, pasi një ditë do të bëhej kreu i forcave të armatosura britanike. Ai po ashtu duhet të ndiqte shkollën e biznesit, dhe për shkak të këtyre detyrimeve nuk kishte pasur kohë për të menduar për një fejesë më herët.
William theksoi se dëshironte të ishte i sigurt se marrëdhënia e tij me Kate do t’i mbijetonte kohës dhe angazhimeve të tij të tjera, para se të bëhej një hap i tillë i rëndësishëm.
