Ministria e Mbrojtjes në Shqipëri lëshoi një njoftim mbrëmjen e së dielës për të gjitha autoritetet lokale në vend që të marrin masa pasi pritet një përkeqësim i menjëhershëm i kushteve atmosferike.
Ndërkohë, një alarm i ngjashëm është dhënë mbrëmjen e sotme edhe nga Mbrojtja Civile në Itali. Veçanërisht në jug të Italisë, ku janë stacionuar edhe rrymat e trazuara, do të ketë shi me intensitet të lartë gjatë së hënës.
Në rajonin e Basilicata është lëshuar alarmi i kuq, ndërsa portokalli është në rajonet e tjera të vendit.
Pak ditë më parë, më shumë se 10 persona humbën jetë pas përmbytjeve në rajonin Marche të Italisë.
