Me tensionin ndërkombëtar në rritje dhe Rusinë gjithnjë e më të izoluar globalisht, Moska është përfshirë në një tjetër front. Bëhet fjalë për mosmarrëveshjen e saj historike për Ishujt Kuril me Japoninë.
Këtë herë, qeveria japoneze thotë se e konsideron të papranueshëm qëndrimin e Rusisë për mosmiratimin e konsultimeve të ndryshme për peshkimin pranë arkipelagut.
Kështu deklaroi të hënën kryesekretari i kabinetit japonez, Hirokazu Matsuno: “Ne e konsiderojmë qëndrimin e palës ruse të papranueshme dhe po shqyrtojmë mundësitë e rifillimit të aktiviteteve sipas një marrëveshjeje përkatëse”.
Nga ana e saj, zëdhënësja e Ministrisë së Jashtme ruse, Maria Zakharova, ka folur për këtë çështje në janar. Ajo shpjegoi se nga Moska tashmë i kishin treguar Japonisë se nuk mund të miratonin konsultime të këtyre karakteristikave duke pasur parasysh sanksionet që Perëndimi i ka vendosur për shkak të luftës. Në çdo rast, Zakharova saktësoi se Rusia është kundër çdo “proteste” të Ekzekutivit japonez në këtë çështje.
Ky është një konflikt historik. Midis shekujve XVIII dhe XIX, japonezët emigruan në ishujt veriorë. Kështu, në 1855, Japonia dhe Moska bënë një marrëveshje. Me nënshkrimin e Traktatit të Shimodës, ata ndanë territorin. Në këtë mënyrë, Rusisë i mbeti jugu i arkipelagut dhe Japonia mori veriun.
Megjithatë, pas Luftës së Dytë Botërore, në Konferencën e Jaltës, Shtetet e Bashkuara u angazhuan ndaj Stalinit për t’i dhënë atij të gjithë Ishujt Kuril, si një shpërblim për rolin e Bashkimit Sovjetik në konflikt. Por, ardhja e Luftës së Ftohtë dhe kokëfortësia e Uashingtonit për ta lënë Japoninë si një aleat perëndimor e bënë atë të mos e mbante premtimin.
Në këtë mënyrë, nga Japonia këmbëngulin që ishujt, që në vitin 1855, do të ishin nën zotërimin e tyre dhe duhet të vazhdojnë të jenë të tillë e të riemërohen Ishujt Kuril. Ndërsa Moska këmbëngul se këto kanë qenë nën sovranitetin rus që nga fundi i Luftës së Dytë Botërore, fillimisht nga Bashkimi Sovjetik dhe, që nga viti 1991, nga Federata Ruse.
Megjithëse OJQ të ndryshme janë përpjekur të takohen që nga vitet ‘40 për t’i dhënë fund këtij debati, negociatat zyrtare kanë ngecur që atëherë.
