Rafael Benitezi nuk do të jetë më trajner i Evertonit. Trajneri spanjoll është shkarkuar nga drejtuesit e klubit anglez pas humbjes nga Norwichi, të shtunën me rezultatin 2:1.
Lajmi është konfirmuar nga faqja zyrtare e klubit anglez.
“Klubi i Futbollit Everton mund të konfirmojë largimin e Rafael Benitezit nga pozita e trajnerit të ekipit të parë. Benitez, i cili iu bashkua Evertonit në qershor të vitit 2021, është larguar nga klubi me efekt të menjëhershëm”, thuhet në njoftimin e klubit.
Nën udhëheqjen e trajnerit spanjoll, Evertoni në Premier League pas 19 ndeshjeve renditet në pozitën e 16-të me 19 pikë.