Analistët e ushqimit kanë dhënë përsëri alarmin për pesticide të dëmshme të lidhura ngushtë me kancerin e infertilitetin në ushqimet e frutat e importuara në Britani.
Grupi i aktivistëve ‘Pesticide Action’ përdori të dhënat e vetë qeverisë për të treguar se 46 pesticide të lidhura me kancerin ishin zbuluar në produkte të importuara në Britani në fund të vitit të shkuar, teksa praktikat mbeten gjithnjë të pandryshuara.
Daily Mail shkruan se grupi zbuloi 19 pesticide në ushqimet e ardhura në Britani që lidhen me infertilitetin dhe dëmet në sistemin nervor, si dhe tre herë më shumë kimikate nga sa lejon ligji në Britani.
Në grupin e agrumeve të importuara grupi tha se zbuloi një koktejl pesticidesh të dëmshme spërkatura pas vjeljes, duke shtuar se 96 përqind të mostrave rezultonin pozitive.
Fruta si portokalle, mandarina, limona përmbanin deri në 9 perstidice të ndryshme në mostrat e ardhura nga Afrika e Jugut, ndërsa në rrushin e ardhur nga Libani u zbuluan 13 substanca të rënda kimike në mostrat e analizuara.
Nick Mole i grupit monitporues PAN UK tha: “Rezultatet në produktet e Britanisë janë shqetësuese në lidhje me pesticidet si rrezik i shëndetit të konsumatorit, por importet duken shumë më keq se ushqimi i rritur këtu”.
“Teksa përqindja e sëmundjeve si kanceri e Parkinson janë gjithnjë në rritje, ne duhet të bëjmë gjithçka për të reduktuar ekspozimin ndaj kimikateve”.
“Qeveria britanike po lejon sasi të mëdha kimikatesh në një listë gjithnjë e më të madhe ushqimesh dhe kjo tendencë duhet të marrë fund”.
Grupi PAN UK argumenton se rregullatorët britanikë nuk llogarisin efektin akumulues të pesticideve në trupin e njeriut dhe pasojat e këtyre substancave në terma afatgjatë.
Ata shtonin se aktualisht qeveria e Londrës po negocjon një marrëveshje importesh ushqimi nga India, që thuajse ka shumë më pak rregullatorë për pesticidet në bujqësi.
Mole tha: “Ky rrezik shtohet më shumë kur bëhet fjalë për marrëveshjen e importit të ushqimeve nga India, ne nxisim qeverinë të mbrojë konsumatorët britanikë”.
Të dhënat e studiuara nga PAN UK tregonin për kimikate që zhbalancojnë gjendrat endokrine dhe hormonale të njeriut, sidomos të fëmijëve, përveç substancave helmuese si plastikat e patretshme.
Pesticidet në ushqime janë fajësuar prej vitesh për rolin në rritjen e numrit të kancerit të tipeve të ndryshme, në mosha gjithnjë e më të reja, shkruan Daily Mail.
