Ambasadorja amerikane në Greqi, Kimberly Guilfoyle, ka mbërritur në ambientet e Kryeministrisë në Tiranë, ku është pritur nga kryeministri Edi Rama, i cili ka dalë jashtë për ta takuar.
Sipas informacioneve, kjo është hera e dytë që ajo zhvillon një takim në zyrën e kreut të qeverisë shqiptare.
Burime bëjnë me dije se ambasadorja pritet të jetë e pranishme edhe në nënshkrimin e një marrëveshjeje në fushën e energjisë, e cila konsiderohet me rëndësi për bashkëpunimin ekonomik dhe strategjik.
Takimi i mëparshëm mes tyre është zhvilluar më 11 mars, në ambientet e jashtme të Kryeministrisë, ku Rama dhe Guilfoyle kanë shkëmbyer edhe një përshëndetje miqësore, ndërsa detajet e diskutimeve nuk janë bërë publike.
