Një 30-vjeçar ka mbetur i plagosur mbrëmjen e kësaj të shtune në Vlorë. Ngjarja ka ndodhur në zonën pranë stadiumit të qytetit, ku janë dëgjuar të shtëna me armë zjarri.
I plagosur ka mbetur 30-vjeçari Romeo Meçaj, nga Tepelena. Mësohet se ai ka qenë duke parkuar makinën, kur ndaj tij është qëlluar me armë, dhe si pasojë ka mbetur i plagosur në gjoks dhe këmbë.
Ndërkohë, një makinë është gjetur e djegur në zonën e Ujit të Ftohtë në Vlorë, që mendohet se i përket autorëve të këtij atentati.
