Një zjarr i rëndë në një banesë ka përfunduar në tragjedi, duke marrë jetën e dy të rinjve që pësuan djegie të rënda.
13-vjeçari Coby Keogh u nxor nga flakët në gjendje kritike dhe u transportua menjëherë në spital. Pavarësisht përpjekjeve të mjekëve, ai ndërroi jetë më 5 korrik si pasojë e plagëve të marra. Pas vdekjes së tij, familja hapi një fushatë për mbledhjen e fondeve për funeralin.
Në të njëjtin zjarr u plagos rëndë edhe 19-vjeçari Joey, i cili u dërgua në njësinë e kujdesit intensiv për të djegurit në Spitalin Wythenshawe në Manchester. Mjekët e vendosën në koma të induktuar, ndërsa nëna e tij u bëri thirrje të gjithëve të luteshin për të, duke i kërkuar djalit të saj të “vazhdonte të luftonte”.
Megjithatë, pas disa ditësh në spital, 19-vjeçari nuk arriti t’u mbijetonte plagëve të rënda dhe ndërroi jetë, duke e çuar në dy numrin e viktimave të kësaj ngjarjeje tragjike.
Autoritetet vijojnë hetimet për të zbardhur shkaqet e zjarrit.
