Presidenti i Shteteve të Bashkuara të Amerikës, Donald Trump, i ka dërguar urimet e tij presidentit serb, Aleksandar Vuçiç me rastin e Ditës së Republikës së Serbisë.
Në të, përveç urimeve, Trump i ka kërkuar Vuçiçit arritjen sa më parë të një marrëveshjeje me Kosovën që, sipas tij, duhet të jetë me njohje të ndërsjella.
”Shtetet e Bashkuara të Amerikës janë të palëkundura në mbështetje të përkushtimit tuaj në thellimin e bashkëpunimit rajonal, posaçërisht në angazhimin tuaj në raport me Kosovën”, shkruan Trump.
”Mendojmë se njohja e ndërsjellë duhet të jetë elementi qendror i normalizimit të raporteve. Një marrëveshje historike me njohje në tërësinë e saj, do të ndërtonte rrugën e qëllimit të integrimeve euroatlantike dhe rritjen ekonomike të Serbisë”, shton presidenti amerikan, Donald Trump.
