Në Kampionatin Ballkanik të Xhudos në sallën “Srbija” në Sarajevën Lindore u këndua himni i “Kosovës”!
Si për ironi, pallati i sportit ku po zhvillohen ndeshjet ndodhet në sheshin “Srbija”, ndërkohë këtë ngjarje mediat serbe e konsideruan skandal të madh, Federata e Xhudos së Republikës Srpska njoftoi se kishte marrë udhëzime për të ndjekur rregullat e Federatës Evropiane dhe Botërore të Xhudos dhe se në të kundërtën sportistët do të ndëshkoheshin.
Njoftimi i plotë
Duke qenë se problemi kryesor në kampionatin e zhvilluar ballkanik për veteranët ishte himni kombëtar dhe kjo ndikonte në pjesëmarrjen ose jo të shteteve pjesëmarrëse përfshirë këtu edhe Kosovën, jemi të obliguar t’i japim një sqarim opinionit. Kosova është anëtare e Federatës Evropiane dhe Botërore të Xhudos si dhe e Komitetit Olimpik Ndërkombëtar dhe si e tillë kanë fituar të drejtën e pjesëmarrjes në të gjitha garat e organizuara nga institucionet e lartpërmendura.
Organizatori i Garës Ndërkombëtare është i detyruar të respektojë me përpikëri rregullat e urdhëruara nga Federata Evropiane dhe Botërore e Xhudos. Nëse rregulli shkelet nga institucionet e përmendura, organizatori i garës si dhe federata do të përballen me një dënim rigoroz, i cili mund të jetë përjashtim nga Federata Evropiane dhe Botërore e Xhudos, gjë që do të ishte katastrofike për sportin dhe sportistët e Republikës së Bosnjë-Hercegovinës.
Federata e Xhudos së Republikës Srpska dhe Bosnjë e Hercegovinës do të informojë Federatën Evropiane dhe Botërore të Xhudos dhe do të kërkojë që iniciatorët e çdo negativiteti në Kampionatin Ballkanik për të cilin kemi prova të sanksionohen sepse i kanë shkaktuar dëme të pamatshme sportit më të suksesshëm të Republikës Srpska dhe Bosnje Hercegovina – thuhet në njoftim.
Serbia refuzoi të garojë në këtë kampionat pikërisht për shkak se pjesëmarrësit ishin sportistë nga “Kosova”.
