Ish-kryeministri britanik, Toni Blair ka zbuluar se ai nuk e ka shijuar kohën e tij kur ishte në detyrë.
Blair, i cili shërbeu tre mandate parlamentare nga 1997 në 2007, e konsideroi përgjegjësinë “aq të madhe” sa e bëri atë të ndihej i pakënaqur.
Ai dha komentet si pjesë e një programi të ri të BBC duke përshkruar se si roli i kryeministrit ka ndryshuar gjatë 300 viteve të fundit.
“Çdo ditë ju merrni vendime dhe çdo ditë ju i nënshtroheni një vëzhgimi si nga familja juaj”, tha Blair.
“Paradoksi është se ju filloni me shumë popullaritet dhe përfundoni me më pak”, shtoi ai.
Blair ishte jashtëzakonisht popullor kur u zgjodh për herë të parë në detyrë në 1997.
Por, pas vendimit të tij për të dërguar trupat britanike në luftërat në Afganistan dhe Irak, ai humbi besimin e publikut dhe më vonë dha dorëheqjen, duke i lënë vendin Gordon Brown.
