Italia ka fituar Eurovision-in pas 31 vitesh, duke u përfaqësuar nga grupi “Maneskin” me këngën “Zitti e Buoni” një këngë rock. Italia u shpall fituese vetëm pas votave të publikut duke shkuar në total në 524 pikë. Grupi “Maneskin” të cilët arritën që mbrëmjen e djeshme të shpalleshin fitues të festivalit më të madh të këngës, më herët kanë kënduar në rrugët e Italisë. Dikur ishin “mbretër” të rrugës, ndërsa sot triumfues në Eurovision.
Një foto e tyre teksa këndojnë në rrugë po bën xhiron e rrjetit, ndërsa sot e gjithë bota po flet për performancën e tyre të natës së djeshme. Por, cili është “mësimi”? Asnjëherë nuk është vonë për të ndjekur ëndrrat dhe asnjëherë nuk është vonë për t’u ngritur lart, dhe grupi “Maneskin” janë demonstruesit më të mirë.