Policia e Shqipërisë së bashku me disa alpinistë kosovarë i kanë dalë në ndihmë një turisti bullgar që ishte lënduar në bjeshkët e Vranit në Tropojë.
Siç njoftojnë autoritetet, pas disa orë kërkime, 46-vjeçari është gjetur dhe bartur rreth 10 kilometra deri tek helikopteri në Lekbibaj.
Bullgari është dërguar menjëherë në Spitalin e Tropojës dhe ndodhet nën kujdesin e mjekësve dhe i njëjti ka njoftuar ambasadën bullgare në Shqipëri.
“Turisti bullgar ka falënderuar Policinë dhe alpinistët kosovarë që i erdhën në ndihmë duke i shpëtuar jetën. Policia e Tropojës gjen rastin të falënderojë edhe njëherë alpinistët nga Kosova, të cilët bashkëpunuan me punonjësit e Policisë, për t’i ardhur në ndihmë turistit nga Bullgaria”, thuhet në njoftimin e Policisë.
