Një pensionist në Gjermani është dënuar për posedim të paligjshëm të armëve pasi u zbulua se zotëronte një arsenal të gjerë personal, përfshirë një tank.
I pandehuri, 84-vjeçar, është dënuar me 14 muaj burgim me kusht dhe është urdhëruar të paguajë një gjobë prej 250 mijë eurosh.
Zyrtarët gjetën tankun dhe pajisjet e tjera ushtarake të Luftës së Dytë botërore në shtëpinë e të pandehurit në qytetin verior të Heikendorf në vitin 2015.
Ushtria duhej të ndihmonte në heqjen e pajisjeve.
Të hënën, gjykata urdhëroi që i pandehuri – i cili nuk mund të përmendet sipas ligjeve gjermane të privatësisë – duhet ta shesë ose ta dhurojë tankun dhe një top anti-ajror në një muze ose koleksionist brenda dy viteve të ardhshme.
Sipas avokatit të të pandehurit, një muze amerikan është i interesuar të blejë tankun Panther. Shumë historianë amerikanë argumentojnë se ishte automjeti më efikas i tillë, i vendosur nga Gjermania gjatë Luftës së Dytë Botërore.
