Një shtetas gjerman është qëlluar ndërsa po përpiqej të arrinte në aeroportin e Kabulit.
BBC raporton se sipas një zëdhënëseje të qeverisë gjermane, civili do të evakuohet së shpejti. “Atij po i jepet kujdes mjekësor dhe ndodhet jashtë rrezikut për jetën”, tha ajo.
Në ambientit e jashtme të aeroportit vazhdojnë të ketë grupe të mëdha njerëzish ndërkohë që talebanët po pengojnë qytetarët të largohen nga vendi.
Agjencia gjermane e shtypit DPA citon një mesazh nga ambasada gjermane për këdo që përpiqet të hipë në një fluturim, duke paralajmëruar konfuzion dhe incidente të mundshme të armatosura te porta e aeroportit të Kabulit.
“Qasja në aeroport është për momentin e mundur, por ndërkohë portat mund të bllokohen nga momenti në moment se shumë njerëz po përpiqen të largohen me familjet e tyre,” thuhet në mesazh.
Qindra gjermanë ende raportohet të jenë në Afganistan dhe ushtria po planifikon të dërgojë dy helikopterë në kryeqytet për të kryer evakuimin e tyre.
