Mëngjesin e sotëm kanë mbërritur 150 qytetarët afganë në Aeroportin e Rinasit.
Ora News ka mësuar se edhe në qytetin e Lezhës kanë mbërritur shtetasit e parë afganë.
Ata kanë mbërritur pas mesnatës dhe janë akomoduar në një resort në Shëngjin.
Pasi janë akomoduar, ata kanë dalë në mëngjes të shëtisin në plazh, ndërsa fëmijët janë zhytur edhe në ujë.
Prej katër ditësh në Shqipëri ka mbërritur një numër prej 607 shtetas afganë, ndërkohë që në total pritet të mbërrijnë rreth 4 mijë persona.
