Braçe ka shmangur shikimin sy më sy me gazetarët dhe pse në ecje përpiqet të duket totalisht ‘moskokëçarës’.
Ish-zëvendëskryeministri Erion Braçe, të cilit tashmë i ka mbetur vetëm të jetë anëtar kryesie, nëse votohet, është parë të dalë në siklet nga Pallati i Kongreseve. Me syze dielli, pa dalë ende jashtë dhe me maskë anti-covid në fytyrë, Braçe ka shmangur shikimin sy më sy me gazetarët dhe pse në ecje përpiqet të duket totalisht ‘moskokëçarës’.
Përpara gazetarëve, Braçe nuk u ndal të komentonte asgjë dhe vijoi rrugën drejt. Ai sot u largua nga posti i zëvendëskryeministrit, pasi Kreu i Qeverisë, Edi Rama zgjodhi të vinte Arben Ahmetajn në vend të tij.
Sot, kryeministri Edi Rama renditi emrat, me të cilët do të qeverisë vendin për 4 vitet e ardhshme. Rikthimi i vetëm si ministre ishte ai i Mirela Kumbaros, ndërsa nga postet u larguan Etilda Gjonaj, Blendi Klosi, Pandeli Majko. Po ashtu Rama largoi Erion Braçen dhe ka marrë Arben Ahmetaj në postin e zv.kryeministrit, ndërsa në mbledhjen e sotme të Asamblesë së Partisë Socialiste ra në sy, mënjanimi i Taulant Ballës nga qarku i Elbasanit dhe organizimi i PS.