Nga Kuçova ku po mban Foltoren e radhës, ish-kryeministri Sali Berisha u shpreh se PS kaloi një provë të madhe drejt reformës me Fatos Nanon, i cili ka dhënë dorëheqjen kur humbi.
Sipas tij, ndërsa PD në vend që të ndiqte traditën e votës së lirë, ju sol kësaj vote të lirë dhe arritëm ne që të përjashtojmë votën.
“PS kaloi një provë të madhe drejt reformës me Fatos Nanon. Ai kur është esëll fliste saktë duhet t’ia njohim këtë meritë. Ai bëri një gjë të madhe për PS-në, nga partia e njëshit që nuk zbriste nga vitit 1941, ai zbriti në anëtarë të thjeshtë. Ai humbi pushtetin dhe dha dorëheqjen. Pas tij pasardhësi vuri në statut se kryetari po humbi zgjedhjet jep zgjedhjet. I humbi në vitin 2009, por jo që nuk dha dorëheqjen, por detyroi anëtarësinë që për kryetarin nuk votohet.
Nga viti 2009 socialistët nuk kanë parë votë në partinë e tyre. Ata janë shndërruar në një formë të PPSH-së. Ndërsa PD në vend që të ndiqte traditën e votës së lirë, ju sol kësaj vote të lirë dhe arritëm ne që të përjashtojmë votën. Basha ka shkelur çdo parim të mundshëm demokratik”, tha Berisha.
