Kryetari i PD-së, Lulzim Basha ishte i prerë sot në mbrëmje kur deklaroi se është përgatitur për të përballur çdo situate tollovie që mund të ndodhë më 11 dhjetor ditën kur është thirrur kuvendi i PD-së nga mbështetësit e Berishës dhe anëtarë të kuvendit.
Në një intervistë direkt me emisionin “Opinion” Basha tha se nuk do të lejojë asnji tollovi të asaj që e quajti trekëndësh i Bermudes, Berisha – Rama – Meta.
“Më 11 dhjetor ju siguroj se nuk do të ndodhë asgjë. Nuk do të lejoj që asgjë të cënojë dinjitetin e demokratëve të ndodhë. PD e unë jemi të përgatitur për tju përballur çdo situate e tollovie që mund të shkaktojë interesat e një njeriu dhe trekëndëshit të Bermudes, tubimit Berisha- Rama- Meta e krimi I organizuar me oligarkët që e ka thirrur dhe e pagëzuar “Arena e Hajnisë”
Basha foli dhe me akuza të rënda ndaj Berishës duke e akuzuar se do të manipulojë demokratët e shqiptarët për ti tërhequr zvarrë për shkak të fatit që I ka caktuar SHBA
“Lulzim Basha nuk është njeri konfliktual, është njeri i arsyes. Nuk ka klonflikt. Ka luftë të një njeriu që do ti mbivendoset çdo demokrati. Do të manipulojë çdo demokrat e shqiptarët, e ti tërheqë zvarrë me vargonjë, pas një fati të përcaktuar nga SHBA. As PD e as unë nuk kemi pasur asnjë mundësi për të ndikuar. E vetmja gjë që kam pasur në dorë është të marr vendimet e duhura e për demokratët. E kam marrë me përgjegjësinë e një njeriu që u votëbeusua pak muaj më parë.
Ai nuk duhej ta kishte përfshirë PD në betejën me SHBA. Unë nuk tërhiqem. Kjo është beteja ime dhe beteja e Sali Berishës është me SHBA dhe kamuflimi që i bën përmes konfliktit që ka stisur me gënjeshtra e mashtrime që I ka tollovitur demokratët marrin fund më 18 dhjetor.”
