Ambasadori turk në Tiranë Murat Ahmet Yoruk ka deklaruar se Shqipëria është në rrezik nga organizata FETO, e drejtuar nga kleriku Fetollah Gylen. Nga Shkodra diplomati tha se Shqipëria duhet të intensifikojë luftën kundër anëtarëve të kësaj organizate ashti siç kanë vepruar shumë vende të tjera.
Ambasadori i Turqisë në Shqipëri Murat Ahmet Yoruk e ka cilësuar organizatën FETO si një kërcënim serioz për Shqipërinë, ndërsa shtoi se anëtarët e saj kanë një terren të lirë këtu.
Yoruk: Me keqardhje theksoj se elementë dhe struktura tinëzare të kësaj organizate kriminale vazhdojnë veprimtarinë e tyre edhe në Shqipëri, ecin dhe dalin rrugëve tepër të qetë. Të gjithë e dinë mirë në Turqi se çfarë ka bërë organizata terroriste FETO. Ne mendojmë se kjo organizatë terroriste është kërcënim edhe për Shqipërinë.
Diplomati turk shtoi se Shqipëria duhet të pastrohet nga organizata e drejtuar nga Fetollah Gylen, e cila është e shpallur një organizatë terroriste në Turqi.
Yoruk: Ne kemi bindjen se Shqipëria duhet ta pastrojë sa më parë veten nga kjo organizatë terroriste që i kanë sjellë aq shumë të këqija Turqisë.
Vitet e fundit në disa shtete janë kryer një sërë arrestimesh dhe ekstradimesh të elementëve të cilët janë etiketuar si anëtarë të organizatës FETO.
Shteti turk i drejtuar nga Regjep Taiyp Erdogan i akuzon ata edhe për tentativën për grusht shteti me 15 korrik 2016 ku humbën jetën 256 qytetarë./Ora News/
