Presidenti i SHBA-ve, Joe Biden do të fajësojë ish-presidentin Donald Trump për trazirat e Kapitolit në 6 janar të vitit të shkuar.
Duke folur në Kongres, mësohet se Biden do të thotë se paraardhësi i tij mban përgjegjësi për kaosin dhe masakrën në selinë e Kapitolit.
Hetuesit deri më tani kanë arrestuar 725 të dyshuar në lidhje me sulmin.
Disa mbështetës të ish-presidentit Trump mësynë në ndërtesën e Kongresin, ndërsa ligjvënësit po mblidheshin për të certifikuar fitoren e Biden në zgjedhjet presidenciale të 3 nëntorit.
Imazhet e ligjvënësve amerikanë të strukur nga turma në galerinë e Dhomës së Përfaqësuesve në pasditen e 6 janarit tronditën botën.
Trump u kishte kërkuar protestuesve në një tubim jashtë Shtëpisë së Bardhë pak më parë që të marshonin në mënyrë paqësore drejt Kongresit, pas pretendimeve të tij të shpeshta lidhur me manipulimin e zgjedhjeve.
Trump lajmëroi një konferencë për shtyp të enjten nga shtëpia e tij turistike në Florida, por më pas e anuloi pasi ndihmësit e tij e paralajmëruan se do të kishte një mbulim negativ nga media.
Zëdhënësi i Trump, Taylor Budowich, tha se nuk ishte e habitshme që Biden do ta kalonte ditën duke e përçarë më tej kombin tonë në një përpjekje për të shpërqendruar votuesit nga inflacioni rekord, krimi në rritje dhe mbylljet e shkollave nga koronavirusit.
