Numri i personave të vdekur nga COVID-19 në SHBA është rritur në 837 mijë e 264, prej të cilëve 661 kanë humbur jetën në 24 orët e fundit, sipas Universitetit Johns Hopkins, transmeton Anadolu Agency.
Numri i të infektuarve deri më tani, sipas të dhënave të universitetit, ka arritur në mbi 59,76 milionë, me 378 mijë raste të reja.
Aktualisht, shteti i Kalifornisë është më i godituri në SHBA, me mbi 6 milionë raste të konfirmuara dhe 77,043 të vdekur.
Në SHBA deri më tani më shumë se 246 milionë persona kanë marrë dozën e parë të vaksinës kundër COVID-19, mbi 207 milionë dozën e dytë dhe mbi 74 milionë kanë marrë tri doza.
