Vendosja e taksës 100% nga Qeveria e Kosovës vazhdon ta “dridhë” Serbinë. Pasi shteti serb i humb më shumë se 1 milion euro në ditë nga vendosja e kësaj takse, tani ky vendim i Qeverisë së Kosovës ka bërë që në Serbi të rriten çmimet e produkteve ushqimore.
Analistët serbë përmendin dy arsye për rritjen e çmimeve që do të ndodhin nga java e ardhshme. E para është vendosja e akcizës dhe taksa e Kosovës.
Vendosja e akcizës sipas ekspertëve serbë ka bërë që shpenzimet e prodhimit të jenë më të larta, ndërsa vendosja e taksës 100% nga autoritetet kosovare ka bërë që kompanitë serbe të përballen me telashe të shitjes së mallrave duke e ditur që Kosova ishte destinacioni i preferuar i produkteve serbe.
Madje, njohësit në Serbi paralajmërojnë që kjo situatë mund të tensionojë situatën në vend duke mos përjashtuar radikalizimin e protestave.
