Rusia dhe Bjellorusia nisën sot manovrat e përbashkëta të planifikuara ushtarake, që kanë ngritur shqetësimin e vendeve perëndimore nga frika se Moska po planifikon një përshkallëzim të madh të konfliktit në Ukrainë.
Ministria ruse e Mbrojtjes konfirmoi në një deklaratë fillimin e manovrave në Bjellorusi (të quajtura ”Union Resolve 2022”), të planifikuara për të vazhduar deri më 20 shkurt, të cilat do të fokusohen në “shtypjen dhe zmbrapsjen e agresioneve të jashtme”.
Presidenti ukrainas Volodymyr Zelensky i quajti sot manovrat e përbashkëta ushtarake të nisura nga Rusia dhe Bjellorusia përgjatë kufirit të ish-republikës së tij Sovjetike si “një presion psikologjik”.
”Dislokimi i forcave në kufi është presioni psikologjik i fqinjëve tanë. Sot kemi fuqi të mjaftueshme për të mbrojtur vendin tonë me nder”, theksoi Zelensky në një deklaratë.
