Rusia ka bërë me dije se do të “ulë ndjeshëm aktivitetin e saj ushtarak përreth Kievit dhe Çernivihit”.
Sipas Reuters, lajmin e ka dhënë Ministria e Mbrojtjes ruse.
Pak më parë, ministri rus i Mbrojtjes, Sergei Shoigu, që u shfaq pas një mungese të gjatë dhe spekulimeve për shëndetin e tij, tha për Interfax se të gjitha “detyrat kryesore të fazës së parë të operacionit special ushtarak në Ukrainë janë përmbushur”.
“Potenciali luftarak i forcave të armatosura të Ukrainës është zvogëluar ndjeshëm, gjë që bën të mundur përqendrimin e vëmendjes kryesore dhe përpjekjeve kryesore në arritjen e qëllimit final: çlirimin e Donbasit”, tha Shoigu.
