Bota duhet të veprojë për të ndaluar vrasjet masive në Ukrainë, tha Sekretari i Shëndetësisë në Britani të Madhe, Sajid Javid, duke krahasuar raportet për vrasjet e civilëve nga trupat ruse me gjenocidin e vitit 1995 në Bosnje.
Që kur trupat ruse u tërhoqën nga qytetet dhe fshatrat përreth kryeqytetit të Ukrainës, Kiev, trupat ukrainase u kanë treguar gazetarëve kufomat e atyre që ata thonë se janë civilë të vrarë nga forcat ruse, shtëpi të shkatërruara dhe makina të djegura.
“Kjo është vrasje masive në një shkallë të paprecedentë në Evropë. Mendoj se nuk kemi parë të tilla që nga viti 1995,” tha Javid për BBC Breakfast.
Në korrik 1995, forcat serbe të Bosnjës pushtuan një ‘zonë të sigurt’ të Kombeve të Bashkuara në Srebrenicë dhe masakruan burra dhe djem në atë që shihet gjerësisht si mizoria më e keqe e Evropës që nga Lufta e Dytë Botërore.
“Unë nuk dua të përkujtoj një gjenocid tjetër në Evropë pas vitesh. Ne kemi fuqinë, bota ka fuqinë ta ndalojë këtë dhe duhet të veprojë,” tha Javid.
