Portieri i Pogradecit, Herdis Alliu, ka ngrirë stadiumin në ndeshjen Pogradeci-Shkumbini të kësaj të shtune.
Kur luheshin vetëm pak minuta nga pjesa e parë, një prej sulmuesve të skuadrës mike goditi me këmbë në kokë portierin, duke e lënë pa ndjenja në fushë.
Për fatin e mirë ka qenë i menjëhershëm reagimi i stafit mjekësor të skuadrës liqenore që kanë arritur brenda pak minutash të normalizojnë situatën, çka është shoqëruar me duartrokitje jo vetëm nga tifozeria në shkallët e stadiumit por edhe nga lojtarët dhe stafet e të dyja ekipeve.
Sipas stafit mjekësor të ekipit pogradecar nga goditja lojtarit i është bllokuar frymëmarrja për shkak të gjuhës së futur brenda në rrugët e frymëmarrjes. Pas ndihmës të mjekësore portieri u përcoll për në spital.
