Rusia ka njoftuar se do të lejojë civilët e bllokuar në fabrikën e çelikut Azovastal të Mariupolit të evakuohen të hënën.
“Ushtria ruse dhe forcat e saj aleate pro-ruse ukrainase do të pushonin në mënyrë të njëanshme armiqësitë në orën 14:00 me orën e Moskës, do të tërhiqnin njësitë në një distancë të sigurt dhe do të siguronin largimin e civilëve në drejtim të tyre”, tha Ministria Ruse e Mbrojtjes në një deklaratë.
Rreth 1000 civilë janë ngujuar me luftëtarët ukrainas në fabrikën Azovstal në Ukrainën juglindore për javë të tëra, ndërsa forcat ruse e kanë rrethuar atë.
Kompleksi industrial është një nga xhepat e fundit të mbetur të rezistencës ukrainase në Mariupol.
Autoritetet ukrainase dhe ndërkombëtare i kanë kërkuar vazhdimisht Rusisë që t’u japë civilëve një kalim të sigurt nga fabrika.
