Pep Guardiola duket se do të vazhdojë të jetë pjesë e Manchester Cityt edhe për një kohë të gjatë.
Spanjolli është në kry të skuadrës angleze që nga korriku i vitit 2016, por kontrata e tij skadon në verën e vitit 2023.
City është gati ta vazhdoj bashkëpunimin me të, por Guardiola thotë se për kontratën e re duhet ende kohë.
Gjithsesi spanjolli është shumë i lumtur në Etihad Stadium pasi mendon se nuk ka vend më të mirë për të se sa Manchesteri.
“Dua të jem i sinqertë, unë jam aq i shqetësuar dhe fokusuar te tre javët e fundit të sezonit sa nuk kam fare kohë të mendoj për rinovimin”.
“Kam edhe një vit kontratë, bëhet fjalë për një kohë të gjatë. Është viti im i gjashtë këtu, nuk janë pak”.
“Po e shijoj këtë fazë të sezonit, kam kohë për të menduar për të ardhmen. Nuk e imagjinoj veten në një vend më të mirë, por jo gjithçka varet nga unë. Ne do të marrim vendimin që do të marrim”, u shpreh Pep Guardiola.
Para se të marrë drejtimin e Manchester Cityt, Guardiola ka udhëhequr edhe dy gjigantët evropianë si Barcelona e Bayern Munich. 51-vjeçari ka udhëhequr deri më tani Cityn në 345 ndeshje zyrtare ku ka një mesatare prej 2,34 pikësh për ndeshje.
