Rusia i është përgjigjur ashpër thirrjes së Gjermanisë për integrimin e Ballkanit sa më shpejt në Bashkimit Europian duke i kërkuar unionit të qendrojë larg rajonit dhe të mos i bëjë presion për të vënë sanksione kundër Moskës.
Në një deklaratë për shtyp, Ministria e Jashtme ruse hodhi akuza të drejtëpërdrejta ndaj kancelarit Olaf Sholz, pasi kreu i ekonomisë më të madhe të Evropës kërkoi disa ditë më parë hapjen e menjëhershme të negociatave me Shqipërinë dhe Maqedoninë e Veriut.
Zëdhënësi i Ministrisë së Jashtme, Alexei Zaitsev deklaroi të premten se Scholz i ka harruar mësimet e historisë duke e trajtuar Ballkanin si një sferë të interesave ekskluzive dhe duke u e kthyer në “oborrin e shtëpisë” të unionit.
Sipas tij, edhe pse Rusia akuzohet se po përpiqet të krijojë “zona ndikimi” në Evropë është Brukseli ai që po i ushtron presion Ballkanit duke e detyrur të zgjedhë ose me Bashkimin Evropian ose me Rusinë.
Zyrtari rus thotë se BE po shantazhon vendet e Ballkanit me anëtarësim në union, duke i detyruar të vendosin sanksione ndaj Rusisë edhe pse asnjë prej tyre nuk është dakord.
“Nga ana jonë, ne kemi tërhequr vazhdimisht vëmendjen për praktikën e dëmshme kur aspiratat integruese evropiane të vendeve të rajonit të Ballkanit Perëndimor përdoren për shantazh të hapur, konkurrencë të pandershme dhe shtrydhje investimesh nga vendet jashtë CIS që japin një kontribut real në rritja socio-ekonomike dhe stabiliteti i Ballkanit Perëndimor. Me pretekstin e ndjekjes së linjës politike të Brukselit, Ballkani është i detyruar të mbështesë sanksionet antiruse, ata janë përballë një zgjedhjeje artificiale “ose me Bashkimin Evropian ose me Rusinë”, tha zëdhënësi rus.
Zaitsev i bën Bashkimit Evropian që të braktisë zakonet e tij neo-koloniale dhe të vazhdojë të respektojë sovranitetin e Ballkanin Perëndimor.
“Zbatimi i agjendës së vendosur nga BE-ja nuk merr parasysh mentalitetin, rrënjët historike, gjuhësore, fetare dhe kulturore të vendeve të Ballkanit Perëndimor. Për shtetet e rajonit është e mbushur me humbje të sovranitetit dhe të së drejtës për një politikë të jashtme të pavarur multivektoriale. Dhe askush nuk garanton anëtarësimin në BE në të ardhmen e parashikueshme.”
Sipas tij, integrimi i rajonit është ende larg dhe anëtarët e BE-së bëjnë deklarata false për të kënaqur vendet e Ballkanit Perëndimor.
