Inteligjenca britanike ka ngritur dyshime të premten se Presidenti i Rusisë Vladimir Putin mund të ketë ndërruar jetë.
Shefat e lartë të MI6 thonë se presidenti rus ka qenë i sëmurë rëndë dhe se nëse ai do të kishte ndërruar jetë, elitat e Kremlinit do ta mbanin lajmin të fshehtë për të mbajtur pushtetin për aq kohë sa të ishte e mundur.
Një burim thotë për ‘Daily Star Sunday’ se paraqitjet e fundit të Putinit në media me shumë mundësi ishin regjistruar paraprakisht.
Një sozi mund të jetë përdorur gjithashtu në ngjarje publike, si Parada e Ditës së Fitores në Moskë në fillim të këtij muaji.
“Putini është shumë i sëmurë dhe kur të vdesë, vdekja e tij do të mbahet sekret për javë, nëse jo muaj”, thotë burim. Sipas inteligjencës britanike, ekziston gjithashtu mundësia që ai të jetë tashmë i vdekur dhe Putini ka përdorur sozi në të kaluarën, kur nuk ishte mire.
“Frika e vërtetë (për miqtë e tij) është se sapo të shpallet vdekja e tij, mund të ketë një grusht shteti në Kremlin dhe gjeneralët rusë do të duhej të tërhiqeshin nga Ukraina”, thotë burimi.
Shëndeti i 69-vjeçarit është përkeqësuar shumë muajt e fundit. Ai është shfaqur i lodhur.
Besohet gjerësisht se ai po merr steroide ose po merr trajtim për kancerin, gjë që ka sjellë edhe fryrje në fryrë.
Dy javë më parë, një oligark rus me lidhje të ngushta me Kremlinin tha se Putini është “shumë i sëmurë nga kanceri i gjakut” dhe kishte bërë një operacion para se të pushtonte Ukrainën.
