Boris Johnson do të japë dorëheqjen si lider i Konservatorëve në Britani. Por ai do mbajë postin e kryeministrit deri në vjeshtë, kur do të përmbyllet gara për kreun e Konservatorëve
Nga Iain Watson, BBC
Boris Johnson nuk e ka dhënë ende dorëheqjen zyrtarisht, por fushata për ta zëvendësuar ka nisur tashmë.
Rishi Sunak theksoi në letrën e tij të dorëheqjes dallimet e tij ‘themelore’ në ekonomi me kryeministrin në largim.
Sajid Javid vuri në dukje barrierat që kishte kapërcyer në jetën e tij në fjalimin e dorëheqjes.
Dhe Nadhim Zahawi ia ktheu thikën kryeministrit këtë mëngjes pasi një ministër kishte thënë se afërsia e tij me Boris Johnson mund të kontaminonte një ofertë lidershipi.
Suella Braverman ka shprehur interesim për postin kryesor dhe do të ketë edhe të tjerë, duke përfshirë- por pa u kufizuar në- Penny Mordaunt, Tom Tugenhat dhe Jeremy Hunt.
