Një avion pasagjerësh u evakuua në aeroportin e Kopenhagës të mërkurën në mbrëmje pasi një zjarr shpërtheu në një nga motorët, tha policia daneze.
Pamjet dramatike kapën zjarrfikësit duke reaguar ndërsa pasagjerët shikonin nga një dhomë pritjeje.
Të gjithë pasagjerët dhe ekuipazhi zbritën nga Airbus A320-232 pa lëndime, tha policia në Twitter.
“Një zjarr shpërtheu në një motor të një aeroplani pasagjerësh që u ndal në portë. Zjarri është shuar. Pasagjerët u evakuuan. Askush nuk u lëndua”, ka shkruar më tej policia në Twitter.
Burimet e British Airways e minimizuan incidentin për MailOnline, duke thënë se tymi u vu re nga avioni për shkak të ‘frenave të nxehta’ rreth orës 20:00 pasi aeroplani ishte në portë.
Fluturimi i kthimit për në Londër u anulua, duke i lënë pasagjerët të frustruar.
