Louise Fletcher, aktorja e cila fitoi një çmim Oscar për rolin në filmin “One Flew Over the Cuckoo’s Nest”, ka vdekur në moshën 88-vjeçare, në Francë, sipas agjentit të saj David Shaul.
Shaul tha se Fletcher vdiq për shkaqe natyrore, pa dhënë detaje të mëtejshme. Ajo ishte e rrethuar nga familja në shtëpinë e saj në Montdurausse.
Oscari i Fletcher erdhi për filmin e saj të dytë pas një pushimi të gjatë nga aktrimi për të rritur fëmijët e saj.
Fjalimi i saj në Oscars mbahet mend, pasi falënderoi kolegët e saj dhe më pas, duke përdorur gjuhën e shenjave, falënderoi prindërit e saj të shurdhër që shikonin nga shtëpia.
“Dua të them faleminderit që më mësuat të shoh një ëndërr. Ju po shihni ëndrrën time të realizohet”, u tha ajo prindërve.
Filmi fitoi pesë çmime Oscar për vitin 1975, raporton CNN, transmeton Klankosova.tv.
Fletcher gjithashtu pati një rol të vazhdueshëm në serinë “Star Trek: Deep Space Nine” dhe luajti Helen Rosemond në filmin “Cruel Intentions” të vitit 1999. Së fundmi, ajo u shfaq në serialin komedi të Netflix “Girl Boss” dhe në serialin “Shameless”.
Fletcher ka lënë pas dy djemtë e saj, John dhe Andrew Bick; motrën e saj, Roberta Ray; dhe një mbesë.
Fletcher u martua me Jerry Bick më 1959 dhe çifti u divorcua më 1977.
