Mobilizimi i parë ushtarak i Rusisë që nga Lufta e Dytë Botërore, të cilin presidenti Vladimir Putin njoftoi të mërkurën, shkaktoi protesta në dhjetëra qytete në të gjithë vendin.
Dhe zemërimi i publikut duket të jetë veçanërisht i fortë në rajonet e varfra me pakica etnike si Dagestani, një rajon me shumicë myslimane i vendosur në brigjet e Detit Kaspik në Kaukazin e Veriut malor.
Për të treguar kundërshtimin që po i bëhet një vendimi të tillë, dhjetëra video të postuara në mediat sociale treguan përleshje me policinë në kryeqytetin rajonal Makhachkala të dielën ndërsa protestuesit brohorisnin “jo luftë”.
Dhe tani është shfaqur një video e cila thuhet se vjen nga qyteti Ust-Ilimsk, në rajonin e Irkutskut.
Aty shihet se si një i ri ka sulmuar me pushkë një zyrë të rekrutimit ushtarak dhe pamjet janë shpërndarë në rrjetet sociale.
Siç supozohet, në sulm ka të plagosur dhe se në mesin e tyre është edhe shefi i zyrës së rekrutimit.
Sulmuesi, meqë ra fjala, e identifikoi veten në video si 25-vjeçari Zinin Ruslan, banor i Ust-Ilimsk.
