“Shtetet e Bashkuara i kanë ofruar ndihmë të paprecedentë të sigurisë Ukrainës dhe do të vazhdojnë të punojnë me aleatët dhe partnerët për të siguruar që Ukraina të ketë mbështetjen që i nevojitet”, tha Pentagoni
Shtetet e Bashkuara njoftuan të premten një ndihmë shtesë prej 725 milionë dollarësh për sigurinë për nevojat e mbrojtjes së Ukrainës, transmeton Anadolu Agency (AA).
Njoftimi erdhi disa ditë pasi Rusia kreu sulme ajrore në të gjithë Ukrainën.
“Ky autorizim është tërheqja e 23-të e pajisjeve nga administrata Biden nga inventarët e Departamentit të Mbrojtjes për Ukrainën që nga gushti 2021”, thuhet në një deklaratë të Pentagonit.
“Shtetet e Bashkuara i kanë ofruar ndihmë të paprecedentë të sigurisë Ukrainës dhe do të vazhdojnë të punojnë me aleatët dhe partnerët për të siguruar që Ukraina të ketë mbështetjen që i nevojitet”, thuhet më tej.
Paketa e re përfshin municione shtesë për sistemet raketore të artilerisë me lëvizshmëri të lartë (HIMARS), 23.000 fishekë artilerie, 500 fishekë artilerie të drejtuara me precizion, 5.000 fishekë të sistemeve kundër minave RAAM, 5.000 armë antitank, raketa kundër rrezatimit me shpejtësi të lartë (HARM), më shumë se 200 automjete të lëvizshmërisë së lartë me shumë qëllime (HMMWV), armë të vogla dhe më shumë se 2.000.000 fishekë municioni për armë të vogla dhe furnizime mjekësore.
SHBA-ja ka dhënë më shumë se 18,2 miliardë dollarë ndihmë për sigurinë për Ukrainën që nga janari 2021 dhe ka ndarë mbi 20,3 miliardë dollarë që nga viti 2014.
