Angli- Kushtet në një qendër të mbipopulluar emigrantësh në Kent ishin të ngjashme me të jetuarit në një burg apo kopsht zoologjik, ka thënë një banor i fundit për BBC.
Ahmed – nuk është emri i tij i vërtetë – tha se njerëzit në qendrën e përpunimit në Manston trajtoheshin si “kafshë”, ku 130 njerëz janë të detyruar të rrinë në një tendë të vetme të madhe.
Mbi 4,000 emigrantë thuhet se janë në kamp ditët e fundit – kur ai duhej të mbante vetëm 1,600 .
Por Ministri i Emigracionit Robert Jenrick ka këmbëngulur se shifrat po bien.
Ahmedi – i cili u largua nga qendra të hënën pas 24 ditësh atje – përshkroi se ishte i detyruar të flinte në dysheme dhe e kishte të ndaluar të shkonte në tualet, të bënte dush ose të dilte jashtë për stërvitje.
Ai tha gjithashtu se njerëzit ishin penguar që të telefononin familjet e tyre, për t’i njoftuar se kishin mbërritur të sigurt në Mbretërinë e Bashkuar.
“Për 24 ditë që ndenja atje, nuk munda t’i telefonoj familjes sime për t’i thënë në kam vdekur apo jetoj, – ata nuk dinë asgjë për mua,” tha ai.
“Të gjithë njerëzit atje e kanë një familje. Ata duhet të dinë se çfarë po ndodh me ne.”
Manston, një ish-bazë ushtarake në Kent, u hap si një qendër përpunimi në shkurt për numrin në rritje të emigrantëve që arrijnë në Mbretërinë e Bashkuar me varka të vogla.
Emigrantët janë menduar të mbahen atje për periudha të shkurtra kohore, përsa kohë që i rsa i nënshtrohen kontrolleve të sigurisë dhe identitetit.
Ata më pas supozohet të zhvendosen në sistemin e akomodimit të azilit të Home Office, që shpesh nënkupton një hotel për shkak të mungesës së akomodimit në dispozicion.
Por Manston u mbush edhe më shumë në fundjavë kur 700 emigrantë u dërguan atje nga një qendër tjetër në Dover, e cila u godit me bomba zjarri.
Disa qindra azilkërkues u zhvendosën nga qendra Manston të martën, sipas deputetit lokal konservator Sir Roger Gale.
Më shumë do të largohen gjatë gjithë javës, ai tha, duke postuar në Tëitter: “Kjo nuk duhet të lejohet të ndodhë më kurrë”.
Jenrick shkroi në Twitter të martën se numri i emigrantëve të mbajtur në qendër kishte “rënë ndjeshëm”.
“Nëse nuk kemi një numër të papritur të lartë emigrantësh që mbërrijnë me varka të vogla në ditët në vijim, numrat do të bien ndjeshëm këtë javë,” tha ai. “Është e domosdoshme që të kthehemi te një model i qëndrueshëm operimi dhe ne po bëjmë gjithçka që mundemi për të siguruar që kjo të ndodhë me shpejtësi.”
Por Kryqi i Kuq Britanik tha se “problemet serioze në Manston janë tregues të çështjeve më të gjera me të cilat përballet sistemi i azilit”.
Një numër i madh emigrantësh kanë mbërritur në Britaninë e Madhe këtë vit. Deri më tani këtë vit, ka pasur pothuajse 40,000 mbërritje në Kent – me gati 1,000 që kanë kaluar Kanalin vetëm të shtunën.
Më vete, BBC bëri fotografi të fëmijëve të pashoqëruar që detyroheshin të flinin në dysheme në një objekt tjetër të paidentifikuar të Home Office në Kent.
Fotografitë tregojnë një dhomë të dekoruar dobët, me vetëm disa libra dhe një kuti me Scrabble si argëtim për të ndihmuar në kalimin e kohës në objekt.
Shkrime në gjuhë të ndryshme shihen në muret mbi një rresht karrigesh plastike, të fiksuara në dysheme. BBC mësoi se objekti përdoret për të identifikuar fëmijët e pashoqëruar azilkërkues.
Qeveria britanike ka qenë nën presion të madh për të trajtuar rritjen e kalimeve me varka të vogla dhe për të përshpejtuar përpunimin e emigrantëve tashmë në Mbretërinë e Bashkuar.
Ministrja e Brendshme Suella Braverman është akuzuar nga partitë opozitare për injorimin e këshilltarëve ligjorë, që thanë se ajo duhej të siguronte strehim shtesë në hotele për të parandaluar mbipopullimin në qendër.
Zonja Braverman i hodhi poshtë akuzat.
Ministrja e Brendshme u akuzua gjithashtu për përdorimin e gjuhës nxitëse, pasi tha se Anglia jugore po përballej me një “pushtim” të emigrantëve gjatë një sesioni të nxehtë të Dhomës së Komunave.
Këshilli i Refugjatëve tha se gjuha e saj ishte “e tmerrshme, e gabuar dhe e rrezikshme”. Ministri i saj i Imigracionit, Jenrick më vonë tha se politikanët duhet të jenë të kujdesshëm për gjuhën e tyre rreth çështjeve të migracionit.
Dhe zëdhënësi zyrtar i kryeministrit tha se Rishi Sunak i tha kabinetit të tij në një takim të martën se Mbretëria e Bashkuar “do të ishte gjithmonë një vend i mëshirshëm dhe mikpritës”.
Ndërkohë, policia kundër terrorizmit ka marrë përsipër hetimin për një sulm me bomba zjarri në një qendër të përpunimit të imigracionit në Dover në Kent të dielën.
Detektivët kanë thënë se Andreë Leak, 66 vjeç, nga High Ëycombe në Buckinghamshire, ka të ngjarë të ketë kryer sulmin si “një formë ankimi, mbushur me urrejtje” përpara se të vriste veten.
