Numër i madh i njerëzve me grip në Moskë mund ta detyrojnë presidentin rus të izolohet në një bunker.
Tashmë ka spekulime se Vladimir Putini do të fshihet deri në Vitin e Ri për të mbrojtur veten pasi ai anuloi konferencën për shtyp të fundvitit.
Putini është shumë i fiksuar pas kërcënimeve për shëndetin e tij, duke vendosur një tryezë jashtëzakonisht të gjatë gjatë pandemisë për të biseduar me kolegët dhe liderët botërorë.
Ka edhe thashetheme se ai vuan nga një gjendje aq e rëndë sa kanceri, por që po mbahet fshehur nga populli rus, raporton metro.
Gazeta e lajmeve, Novaya Gazeta Europe raportoi se “shumë njerëz në Kremlin ishin të prekur nga gripi”, duke ia atribuuar zbulimin zëdhënësit të Putinit, Dmitry Peskov.
Media të tjera lokale raportojnë se Putini ka të ngjarë të braktisë fjalimin në dhomën e lartë të parlamentit sepse nuk ka asgjë të re për të thënë për luftën.
Rritja e gripit vjen pasi Ukraina goditi caqet thellë brenda Rusisë. “Sulmi i fundit në aeroportet ushtarake thellë në Rusi ka shkaktuar shqetësim serioze tek Putini”, tha gjenerali SVR në Telegram.
Gazeta gjithashtu pretendon se Putin dhe e dashura e tij e përfolur Alina Kabaeva, 39 vjeçe, do të kalojnë Vitin e Ri në një bunker në lindje të maleve Ural.
Putini zakonisht u drejtohet rusëve me një mesazh të regjistruar paraprakisht për Vitin e Ri të transmetuar në mesnatë në 11 zonat kohore të vendit të tij.
