Ka ndërruar jetë fëmija i katërt që ra në një liqen në Britaninë e Madhe. Mediat në vend raportojnë se gjashtëvjeçari nuk e fitoi dot betejën për jetën pas disa ditësh në spital.
Ngjarja e rëndë ndodhi në Parkun Babbs Mill në Solihull, West Midlands më 11 dhjetor. Tre fëmijët e tjerë që humbën jetën ishin 10 dhe 11 vjeç.
Të tre djemtë u dërguan me urgjencë në spital pasi u nxorën nga uji por nuk mundën të mbijetonin.
Pas ngjarjes edhe një oficer u trajtua për hipotermi të lehtë pasi u përpoq të çante akullin në përpjekje për t’i shpëtuar fëmijët.
Më herët, familjarët e 10-vjeçar, Jack Johnson treguan se ai u fut në liqen për të shpëtuar tre të tjerët edhe pse nuk i njihte. Megjithatë, fundi ishte tragjik për të katër vogëlushët.
