Trajneri i Real Madridit, Carlo Ancelotti, ka thënë se Cristiano Ronaldo është shumë i motivuar dhe i lumtur pasi u bë zyrtarisht lojtar i ri i Al-Nassr dhe shtoi se portugezi mori vendimin e duhur në këtë drejtim.
Ronaldo e ndërpreu kontratën me Manchester United para Kampionatit Botëror në Katar dhe pas disa javë negociatash, vendosi të largohej nga futbolli evropian dhe të vazhdonte karrierën në Arabinë Saudite, ku nënshkroi kontratë me Al-Nassr.
Portugezi ka vizituar Real Madridit në stërvitje para finales së Superkupës së Spanjës, të cilën do ta luajë kundër Barcelonës dhe ka shfrytëzuar rastin të flasë me trajnerin Ancelotti.
Ky i fundit ka thënë se Ronaldo është dukshëm i motivuar dhe i lumtur.
“E pashë Cristianon shumë të motivuar dhe të lumtur. Mendoj se ai mori vendimin e duhur duke u transferuar te Al-Nassr”, deklaroi shkurt Ancelotti. Në fanellën e Real Madridit, Ronaldo ka shënuar 450 gola në 438 ndeshje dhe me meritë konsiderohet si legjendë e klubit, pasi ai është edhe golashënuesi më i mirë në historinë e këtij klubi.
