Shefja e Grupit Parlamentar të Lëvizjes Vetëvendosje, Mimoza Kusari-Lila ka demantuar zërat se në këtë grup, nuk lejohet mendimi ndryshe.
Ajo ka thënë kanë koordinim, ndërsa për pozitën që mban, ka përmendur një shembull se si në vende demokratike, shefi i grupit parlamentar quhet “whip”, apo “kamxhik”.
“Shefi ose shefja e gurpit parlamentar në vende demokratike, në Angli ose Amerikë, quhet whip, whip osht kamxhiku. Ku duhet të mbahet në radhë grupi për shkak të koordinimeve…Ne përveç se mbajmë mbledhje, kemi koordinime në disa nivele, 7 komisione parlamentare udhëhiqen nga VV-ja, në 7 të tjera kemi zv.kryetarë.” – ka thënë ajo.
Ndërkaq, deri më tani, në paraqitjen e saj në Pressing, Kusari-Lila ka folur edhe rreth punës dy-vjeçare të Qeverisë dhe menaxhimit të krizave.
“Po ka rritje të çmimeve, por mënyra se si janë mbajtë ose se si është kriju një rrjetë e mosrënies së kategorive më në nevojë, në atë që ka mund të jetë varfëri ekstreme, ka qenë, në sistemin që ende është i brishtë ne skemën pensionale, sociale, sigurime shëndetësore, mund të themi se kënaqshëm deri në një masë, është siguru që këta të mos bijnë përfundi çka mundet me qenë një varfëri ekstreme.” – tha ajo.
