Nicholas Abbott, ambasadori britanik në Kosovë, ka reaguar në lidhje me fillimin e gjyqit ndaj ish-krerëve të UÇK’së, ku ka thënë se gjyqi që ka filluar sot, për shumë njerëz në Kosovë është sfidë morale, shkruan Gazeta Metro.
Abbot, ka deklaruar se, gjyqi që ka filluar sot ka të bëjë me veprimet e individëve, dhe se, as lufta e UÇK’së dhe as e Kosovës për liri nuk janë në gjyq e as nuk duhet të gjykohe.
Pos këtyre, ambasadori ka thënë edhe se Mbretëria e Bashkuar qëndron pranë ndërhyrjes së saj, si pjesë e NATO’s, si një kauzë e drejtë për të parandaluar një fatkeqësi humanitare, dhe, që të gjithë kosovarët të jetojnë të lirë nga represioni.
Për shumë njerëz në Kosovë, gjyqi që fillon sot është një sfidë morale. Unë kam vizituar shumë monumente në të gjithë vendin dhe në shumë raste viktimave që ata përkujtojnë u mohohet ende drejtësia.
Megjithatë, është e drejtë që Kosova të ketë guximin të ndjekë drejtësinë për viktimat e tjera dhe të zbatojë sundimin e ligjit për të gjithë qytetarët e saj, edhe në rrethanat më të vështira.
Ky gjyq ka të bëjë me veprimet e individëve. As lufta e UÇK-së dhe as e Kosovës për liri nuk janë në gjyq dhe as nuk duhet të gjykohen. Mbretëria e Bashkuar qëndron pranë ndërhyrjes së saj, si pjesë e NATO-s, si një kauzë e drejtë për të parandaluar një fatkeqësi humanitare dhe që të gjithë kosovarët të jetojnë të lirë nga represioni.
Mbretëria e Bashkuar mbetet e përkushtuar për arritjen e drejtësisë për të gjitha viktimat e krimeve të luftës dhe krimeve kundër njerëzimit.
