Shtetet e Bashkuara të Amerikës njoftuan për revokimin e vizave për inspektorët bërthamorë rusë, refuzimin e aplikacioneve në pritje për monitoruesit e rinj dhe anulimin e lejeve standarde për avionët rusë për të hyrë në hapësirën ajrore të SHBA-së.
Vendimi vjen në vazhdën e “shkeljeve të vazhdueshme” të Rusisë të traktatit bërthamor START. Megjithatë, Departamenti i Shtetit tha se SHBA do të vazhdojnë të njoftojë Rusinë kur të kryejë lëshimet testuese, duke shtuar se hapat që ajo po ndërmerr ishin të kthyeshme me kusht që Moska të rikthehet dhe respektojë traktatin.
Departamenti tha se vendimi për të ndaluar shpërndarjen e informacionit mbi statusin ose vendndodhjen e raketave dhe të dhënave për lëshimet testuese të Rusisë, ishin në përputhje me ligjin ndërkombëtar për shkak të veprimeve të Rusisë.
Në mars, SHBA-ja njoftoi se ajo dhe Rusia kishin ndaluar shkëmbimin e informacioneve të armëve bërthamore.
Edhe pse START u zgjat pak pasi presidenti Joe Biden mori detyrën në janar të vitit 2021, konflikti i vazhdueshëm në Ukrainë e ka tensionuar traktatin.
Që kur presidenti rus, Vladimir Putin, deklaroi se Rusia nuk do t’u përmbahet më detyrimeve të saj sipas traktatit, START ka qenë në prag të kolapsit. Brenda traktatit, ka dispozita specifike që i kufizojnë të dyja vendet që të kenë një maksimum prej 1.550 kokash bërthamore.
Marrëveshja përfshin, gjithashtu, inspektime gjithëpërfshirëse në vend për të siguruar se vendet janë në bashkërendim me këto kufizime.
