Ditën e hënë në 3 korrik, Kadastra nuk do jetë më e aksesushme për publikun! Lajmi e bëri me dije kryeministri Edi Rama.
“Ditën e hënë në 3 korrik, Kadastra nuk është më e aksesushme për publikun, askush nuk mund të bëjë asgjë në Kadastër, sepse askush nuk do mundet dot që t’ju përgjigjet. Asnjë nga kushërinjt, apo miqtë për miqve në Kadastër, nuk do ju përgjigjet, se nuk do ketë gjë në dorë, Kadastra do jetë një makineri digjitale dhe punonjësit aty brenda, që një pjesë kanë kërkuar të largohen, se nuk kanë ca bëjnë më, nuk e devijojnë më në asnjë drejtim sipas dëshirës, nuk ka më zgjidh ti se kujt do i shërbesh”, tha Rama.
Kryeministri Edi Rama ka bërë fajtor, deputetë, ministra kryetar Bashkie, për gjendjen në të cilën ndodhet Kadastra. Ai tha se ata, ndonëse nuk iu drejtua personalisht, por me postin e tyre, kanë “interferuar” me punën e tyre duke shfrytëzuar pushtetin e duke ndërhyrë deri në imponim deri në emërimin e punonjësve.
“Kadastra është penguar në mënyrë të vazhdueshme nga ju, dhe kur them nga ju, e kam fjalën për kategorinë, deputetë, ministra, kryetar bashkishë, për të vazhduar me më tutje të gjithë ata që kanë sado pak pushtet, që i kanë dhënë vetes të drejtën të interferojnë me Kadastrën, që nga emërimet e drejtuesve, një influencë deri në imponim, te influenca për punonjës, për mbështetje për njërin apo tjetrin deri në imponim, duke e penguar Kadastrën që të bëhet ajo që duhet të jetë, banka e sigurt e pronës së patundshme të shqiptarëve”, tha Rama.
Ai shtoi se është bërë punë, por jo aq sa duhet, për të zhbërë ndikimin e politikës mbi Kadastrën.
“Nuk jemi në kushtet kur që kemi arritur aty ku duhet, por kemi parë çudira pas çudirash me pronat e shqiptarëve. Influenca politike mbi Kadastrën ka qenë shumë e pranishme, atëherë të tjerët kanë bërë njëmijë fishin e asaj që kanë qenë të detyruar nga lidhjet miqësore, familjare, nga lidhjet klanore”, u shpreh kreu i qeverisë.
