Një tjetër axhendë ndërkombëtare për kryeministrin Edi Rama. Siç është publikuar në faqen zyrtare të Forumit strategjik të Bled, slloveni, Kryeministri Edi Rama do të jetë pjesëmarrës në Konferencën Ndërkombëtare të Forumit të Bled, që zhvillohet çdo vit në Slloveni.
Kryeministri i Shqipërisë Edi Rama do të marri pjesë në datat 28-29 gusht 2023 në Konferenën Ndërkombëtare të Forumit Strategjik të Bled, në Slloveni.
Siç është publikuar përmes rrjeteve sociale pjesë e panelit të diskutantëve do të jetë dhe Kryeministri i Shqipërisë Edi Rama. Po ashtu pjesë e diskutantëve do të jetë Charles Michel, Presidenti i Këshillit të Europës. Në panel pritet të jetë dhe Kyeministrit i Malit të zi, Dritan Abazoviç, Bujar Osmani si Ministër i Punëve të Jashtme të Maqedonisë së Veriut…etj
Konferenca ndërkombëtare e Forumit Strategjik të Bled është konferenca kryesore në Evropën Qendrore dhe Juglindore. Ajo zhvillohet çdo vit në fund të verës në mjedisin piktoresk alpin të liqenit Bled, Slloveni.
Konferenca është një takim i lidërve dhe pjesëmarrësve nga fusha të ndryshme, me njohuri të ndryshme, duke i inkurajuar ata të shkëmbejnë pikëpamje dhe të gjenerojnë ide për të adresuar sfidat e tanishme dhe të ardhshme. Përveç kësaj, konferenca ofron gjithashtu një mundësi unike për takime të përshtatura dhe rrjetëzim me palët e interesuara rajonale dhe globale.
Konferenca Ndërkombëtare e Formit të Bled këtë vit do të zhvillohet në dy ditë. Fillimisht, më 28 gusht nis paneli i lidërve, për ti hapur rrugë diskutimeve me tematika të ndryshme, duke adresuar sfidat aktuale, por edhe të së ardhmes.
