Sekretari për Diasporën i demokratëve me kryetar ish-kryeministrin Sali Berisha, Indrit Hoxha përmes një postimi në rrjetet sociale është shprehur se “rilindja urbane” i ka kushtuar qytetarëve shqiptarë mbi 2 miliardë euro nga taksat e tyre.
Sipas tij kjo nismë i ka kushtuar shqiptarëve 2.2 miliardë euro, teksa përfitues janë vetëm 5 kompani.
Hoxha shtoi më tej se kjo shifër e shpenzuar është sa 5-fishi i aferës së inceneratorëve, e cila përllogaritet se i ka kushtuar mbi 400 milionë euro buxhetit të shtetit.
“Rilindja urbane i ka kushtuar qytetareve 2.2 miliard Euro,ku përfitues janë vetëm 5 kompani! 5-fishi i aferës se inceneratorëve”, shkroi Hoxha në Facebook.
