Kryetari i Partisë Demokratike Sali Berisha në një deklaratë për shtyp ditën e sotme ka vijuar me akuzat ndaj qeverisë lidhur me koncensionin e sterilizimit. •Berisha tha se Rama ka faktuar ditën e djeshme se së bashku me ish-ministrin, Ilir Beqaj se janë përgjegjësit kryesorë të asaj që ish-kryeministri e quan vjedhja e shekullit. •Ai u shpreh se sterilizimi iu ka kushtuar shqiptarëve deri më tani 79 mln euro dhe ka rritur çmimin e sterilizimit, duke e çuar 4 herë më të kushtueshëm se në Gjermani. •Berisha tha se kontrat e sterilizimit është e pavlefshme për shkak të konfliktit të interesit.
Kryetari i Partisë Demokratike Sali Berisha në një deklaratë për mediat, u shpreh ditën e sotme se Këshilli i Ministrave ka nxjerrë kontratën e sterlizimit, që sipas tij është e pavlefshme. Sipas Berishës, edhe ILDKPKI e ka nxjerrë këtë kontratë.
DEKLARATA E BERISHËS:
Në Kodin e Procedurës Administrative parashikohet se pavlefshmëria absolute e aktit, mund të nxirret nga ministri i linjës, ku aktualisht është zonja mëkatare Manastirliu, e cila në kohën e koncesionit, ishte drejtore e QSUT, dhe i ka dhënë koncesionarit, pa qira, pajisje, ambiente, pa paguar drita, ujë, avullin, etj. Natyrisht përkundrejt shpërblimeve personale. Person tjetër që mund të nxjerrë këtë akt të pavlefshëm është Këshilli i Ministrave. Por largqoftë se Edi Rama mund të ngrihet kundër interesave pasurore të Edi Ramës. Ndaj ai bëri të kundërtën, vrapoi për të mbrojtur vjedhjen e dytë të shekullit.
Personi tjetër që mund të nxjerrë këtë akt të pavlefshëm është ILDKPKI. Deri më sot, asnjë institucion nuk ka ndërmarrë asnjë hap ligjor, pavarësisht se kontrata duhej shpallur menjëherë e pavlefshme. Këtë nuk e ka bërë as SPAK, që aministoi Ilir Beqajn, dhe vetvetiu amnistoi edhe kontratën e korrupsionit të Edi Ramës. Çdo organ publik i ngarkuar me ligj ka detyrën absolute të konstatojë pavlefshmërinë e aktit kur bie në dijeni.
