Një vrasës në arrati u kap të mërkurën nga policia, pasi arriti që për 2 javë tu shmangej qindra kërkuesve. Prangosja e tij ka sjellë lehtësim për banorët e Pensilvanisë juglindore.
Autoritetet përdorën imazhe termike nga avioni për të përcaktuar një vendndodhje të mundshme dhe më pas përdorën forcat tokësore për të kapur të burgosurin e arratisur Danelo Kavalkante (Danelo Cavalcante), tha një zyrtar i zbatimit të ligjit për Associated Press të mërkurën në kushte anonimiteti.
Policia e Shtetit njoftoi kapjen e Kavalkantes në mediat sociale të mërkurën, pasi kërkimi hyri në ditën e 14-të.
Fundi i kërkimit për Kavalkanten, 34 vjeç, u bë i qartë pak përtej periferive shumë të populluara të Filadelfias, në një zonë me pyje, tokë bujqësore dhe një park qarku.
Kërkimi i detyroi shkollat që të mbylleshin pikërisht në fillim të vitit akademik. Kavalkante u arratis nga burgu i kontesë Chester në Pensilvaninë juglindore më 31 gusht duke ecur mes dy mureve që ishin të mbuluar me tela brisk. Më pas ai u hodh nga çatia dhe duke u larguar me shpejtësi.
Ai kishte qenë në pritje të transferimit në burgun shtetëror pasi u dënua disa ditë më parë për vrasjen me thikë të të dashurës së tij, ai gjithashtu kërkohet edhe në lidhje me një tjetër vrasje në Brazil.
