Një luftë perëndimore kundër Rusisë do të ishte në një nivel krejtësisht të ndryshëm nga konflikti në Ukrainë, ka paralajmëruar Vladimir Putin, duke i quajtur “të pakuptimta” raportet se qeveria amerikane po përgatitet për një luftë kundër Rusisë.
Një panel dypartiak i emëruar nga Kongresi amerikan tha të enjten se Uashingtoni duhet të përgatitet për luftëra të mundshme të njëkohshme me Moskën dhe Pekinin duke zgjeruar forcat e tij konvencionale, duke forcuar aleancat dhe duke rritur programin e tij të modernizimit të armëve bërthamore.
Putin, i cili do të vizitojë Kinën këtë javë, tha se Shtetet e Bashkuara kishin nxitur tensionet me Pekinin duke krijuar aleancën e sigurisë “AUKUS” të SHBA, Australisë dhe Britanisë dhe se Rusia dhe Kina nuk po ndërtonin një aleancë ushtarake.
“Unë nuk mendoj se këto janë mendime të shëndosha në mendjet e njerëzve të shëndoshë, sepse të thuash se Shtetet e Bashkuara po përgatiten për luftë me Rusinë, atëherë ne të gjithë po përgatitemi për luftë sepse ndjekim parimin e lashtë: nëse doni paqe, përgatituni për luftë”, tha Putin në një deklaratë të postuar në Telegram.
“Por ne duam paqe”, tha Putin. “Përveç kësaj, lufta kundër Rusisë dhe Kinës është e pakuptimtë, nuk mendoj se është serioze. Unë mendoj se ata thjesht duan trembin njëri-tjetrin.”
