Ministria e Punëve të Jashtme e Malit të Zi i është përgjigjur notës protestuese të Ministrisë së Punëve të Jashtme të Bosnje-Hercegovinës pasi gjatë vizitës së Milorad Dodik në Parlamentin e Malit të Zi nuk janë ndjekur procedurat dhe nuk është vendosur flamuri i Bosnje-Hercegovinës.
Ministria e Punëve të Jashtme të Malit të Zi thekson se nuk kanë marrë pjesë në organizimin dhe aktivitetet përcjellëse protokollare lidhur me vizitën e Presidentit të Bosnje-Hercegovinës. entiteti Republika Srpska Milorad Dodik dhe se vizita është organizuar nga shërbimet e Parlamentit të Malit të Zi me në krye Andrija Mandiq.
“Ministria shfrytëzon rastin për të informuar se Kuvendi i Malit të Zi përmes një kanali zyrtar është njoftuar për lëshimin kur përveç flamurit të entitetit nuk është vendosur edhe flamuri shtetëror i Bosnjës dhe Hercegovinës.
Ministria rithekson se Qeveria e Malit të Zi mbështet plotësisht integritetin, sovranitetin dhe integritetin territorial të Bosnjës dhe Hercegovinës, si dhe simbolet e saj kombëtare, flamurin dhe vazhdimësinë historike. Ministria shpreh pritjen që ngjarja e përmendur të mos ndikojë në marrëdhëniet miqësore dhe fqinjësore mes Malit të Zi dhe Bosnje-Hercegovinës”, thuhet në letrën e MPJ-së së Malit të Zi.
Në përgjigje thuhet se Qeveria e Malit të Zi mbështet integritetin, sovranitetin dhe integritetin territorial të BeH-së si dhe të gjitha karakteristikat shtetërore dhe vazhdimësinë historike me shpresën se kjo ngjarje nuk do të ndikojë në marrëdhëniet miqësore dhe të fqinjësisë së mirë ndërmjet BeH-së dhe Malit të Zi.
